ܚܲܕ ܐܸܣܛܘܿܟ݂ܣܵܐ ܐܵܢܲܢܩܵܝܵܐ ܕ NDIS ܝܼܠܹܗ ܒܘܼܬ ܝܗܵܒ݂ܬܵܘܟ݂ܘܿܢ ܓܘܼܒܵܝܵܐ ܘܫܘܼܠܛܵܢܵܐ. ܐܝܼܡܲܢ ܕܐܝܼܬܠܵܘܟ݂ܘܿܢ ܚܲܝܠܵܐ ܠܓܲܒܘܼܝܹܐ، ܐܲܚܬܘܿܢ ܡܵܨܝܼܬܘܿܢ ܕܨܲܠܡܸܢܝܼܬܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ ܘܕܗܵܘܹܐ ܠܵܘܟ݂ܘܿܢ ܫܘܼܠܛܵܢܵܐ ܥܲܠ ܩܛܵܥܝܵܬܵܘܟ݂̈ܘܿܢ.
ܠܸܩܢܵܝܵܐ ܡܲܘܕܥܵܢܘܼܬܵܐ ܙܵܘܕܵܢܬܵܐ ܒܘܼܬ ܥܒ݂ܵܕܬܵܐ ܕܩܛܵܥܝܵܬܹ̈ܐ، ܨܲܚܨܘܼܢ ܠܵܗ̇ ܐܲܝܵܐ ܥܵܒ݂ܘܿܕܘܼܬܵܐ ܟܪܝܼܬܵܐ:
Decision making: skills for your NDIS Journey
ܚܲܕܟܡܵܐ ܐ݇ܢܵܫܹ̈ܐ ܟܹܐ ܡܲܫܟ݂ܚܝܼܠܵܗ̇ ܥܒ݂ܵܕܬܵܐ ܕܩܛܵܥܝܵܬܹ̈ܐ ܚܲܕ ܡܸܢܕܝܼ ܗܵܣܵܢܵܝ ܘܐ݇ܚܹܪ݇ܢܹ̈ܐ ܟܹܐ ܡܲܫܟ݂ܚܝܼܠܵܗ̇ ܪܵܒܵܐ ܒܘܼܫ ܥܲܣܩܵܐ. ܐܲܝܵܐ ܒܲܠܟܵܐ ܬܠܝܼܬܵܐ ܝܠܵܗ̇ ܥܲܠ ܟܠܟܡܵܐ ܚܲܕ ܟܹܐ ܥܵܒ݂ܕܝܼܬܘܿܢ ܩܛܵܥܝܵܬܹ̈ܐ ܘܥܲܠ ܐܸܢ ܩܛܵܥܝܵܬܹ̈ܐ ܥܲܣܩܹ̈ܐ ܝܢܵܐ.
ܚܲܕܟܡܵܐ ܩܛܵܥܝܵܬܹ̈ܐ ܣܢܝܼܩܹܐ ܝܢܵܐ ܠܥܸܕܵܢܵܐ، ܘܩܵܐ ܚܲܕܟܡܵܐ ܩܛܵܥܝܵܬܹ̈ܐ ܒܸܕ ܗܵܘܝܵܐ ܗܲܝܸܪܵܢܬܵܐ ܠܸܕܪܵܫܲܝܗܝ ܥܲܡ ܐ݇ܢܵܫܹ̈ܐ ܐ݇ܚܹܪ݇ܢܹ̈ܐ. ܓܘܼܒ݂ܪܘܼܬܵܐ ܕܚܕܵܐ ܩܛܵܥܬܵܐ ܡܵܨܝܵܐ ܕܗܵܘܝܵܐ ܦܪܝܼܫܬܵܐ ܡ̣ܢ ܦܲܪܨܘܿܦܵܐ ܠܦܲܪܨܘܿܦܵܐ.
ܩܵܐ ܛܘܼܦ̮ܣܵܐ، ܩܵܐ ܚܲܕܟܡܵܐ ܐ݇ܢܵܫܹ̈ܐ، ܩܛܵܥܬܵܐ ܠܡܲܦܠܘܼܚܹܐ ܢܘܼܩܵܠܵܐ ܥܲܡܡܵܝܵܐ ܠܸܡܛܵܝܵܐ ܠܚܲܕ ܘܲܥܕܵܐ ܝܼܠܹܗ ܚܲܕ ܡܸܢܕܝܼ ܕܟܹܐ ܥܵܒ݂ܕܝܼܠܹܗ ܝܵܘܡܵܐܝܼܬ. ܩܵܐ ܐ݇ܢܵܫܹ̈ܐ ܐ݇ܚܹܪ݇ܢܹ̈ܐ، ܐܲܝܵܐ ܡܵܨܝܵܐ ܕܗܵܘܝܵܐ ܚܕܵܐ ܩܛܵܥܬܵܐ ܡܲܙܕܸܥܵܢܬܵܐ ܘܩܸܛܪܵܢܬܵܐ.
ܘܗܵܕܟ݂ܵܐ، ܐܝܼܡܲܢ ܕܬܲܚܡܘܼܢܹܐ ܝܘܲܚ ܒܘܼܬ ܩܛܵܥܝܵܬܹ̈ܐ، ܐܵܢܲܢܩܵܝܬܵܐ ܝܠܵܗ̇ ܕܠܵܐ ܡܲܠܝܸܙܲܚ، ܘܕܬܲܚܡܸܢܲܚ ܒܘܼܬ ܓܘܼܒܵܝܹ̈ܐ ܕܐܝܼܬܠܲܢ ܘܩܵܛܥܲܚ ܐܸܢ ܣܢܝܼܩܹܐ ܝܘܲܚ ܠܣܢܵܕܬܵܐ. ܠܵܐ ܡܲܢܫܝܼܬܘܿܢ، ܡܸܬܩܲܒܠܵܢܬܵܐ ܝܠܵܗ̇ ܕܥܵܒ݂ܕܝܼܬܘܿܢ ܚܕܵܐ ܩܛܵܥܬܵܐ ܘܕܫܲܚܠܸܦܝܼܬܘܿܢ ܠܹܗ ܪܸܥܝܵܢܵܘܟ݂ܘܿܢ (ܚܝܼܵܠܵܘܟ݂ܘܿܢ) ܒܵܬ݇ܪ ܗܵܕܵܐ.
ܡܵܨܝܼܬܘܿܢ ܕܡܲܦܠܸܚܝܼܬܘܿܢ ܠܹܗ ܐܵܗܵܐ ܐܲܣܵܢܵܐ ܠܗܲܝܘܼܪܵܘܟ݂ܘܿܢ:
ܕܟ݂ܘܿܪܘܼܢ:
- ܐܝܼܬܠܵܘܟ݂ܘܿܢ ܗܲܩܘܼܬܵܐ ܕܥܵܒ݂ܕܝܼܬܘܿܢ ܠܗܘܿܢ ܩܛܵܥܝܵܬܵܘܟ݂̈ܘܿܢ ܒܓܵܢܵܘܟ݂ܘܿܢ
- ܡܸܬܩܲܒܠܵܢܬܵܐ ܝܠܵܗ̇ ܠܸܝܠܵܦܵܐ ܒܥܒ݂ܵܕܬܵܐ ܕܡܸܢܕܝܼܵܢܹ̈ܐ ܦܪ̈ܝܼܫܹܐ
- ܡܸܬܩܲܒܠܵܢܬܵܐ ܝܠܵܗ̇ ܠܗܲܡܙܘܼܡܹܐ ܥܲܡ ܐ݇ܢܵܫܹ̈ܐ ܐ݇ܚܹܪ݇ܢܹ̈ܐ ܠܸܛܠܵܒܵܐ ܡܸܠܟܵܐ (ܢܲܨܝܼܗܲܬ)
- ܡܵܨܝܼܬܘܿܢ ܕܫܲܚܠܸܦܝܼܬܘܿܢ ܠܹܗ ܪܸܥܝܵܢܵܘܟ݂ܘܿܢ
- ܡܸܬܩܲܒܠܵܢܬܵܐ ܝܠܵܗ̇ ܠܸܥܒ݂ܵܕܵܐ ܩܛܵܥܝܵܬܹ̈ܐ ܐܲܝܢܝܼ ܕܐ݇ܢܵܫܹ̈ܐ ܐ݇ܚܹܪ݇ܢܹ̈ܐ ܠܹܐ ܡܲܚܸܒܝܼܠܗܘܿܢ
- ܡܵܨܝܼܬܘܿܢ ܕܥܵܒ݂ܕܝܼܬܘܿܢ ܩܛܵܥܝܵܬܹ̈ܐ ܕܓܵܢܵܘܟ݂ܘܿܢ ܐܲܝܢܝܼ ܕܦܪܝܼܫܹܐ ܝܢܵܐ ܡ̣ܢ ܩܛܵܥܝܵܬܹ̈ܐ ܕܐ݇ܢܵܫܹ̈ܐ ܐ݇ܚܹܪ݇ܢܹ̈ܐ.
ܟܲܕ ܨܲܚܨܘܼܝܲܝܗܝ ܝܬܘܿܢ 6 ܦܵܣܘܿܥܝܵܬܹ̈ܐ ܠܸܡܛܵܝܵܐ ܠ NDIS، ܒܸܕ ܦܵܝܫܝܼܬܘܿܢ ܡܗܘܼܕܝܹܐ ܠܥܵܒ݂ܘܿܕܘܵܬܹ̈ܐ ܕܓܵܘ ܟܬܵܒ݂ܵܘܟ݂ܘܿܢ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ، ܐܲܝܟܵܐ ܕܡܵܨܝܼܬܘܿܢ ܕܡܵܠܝܼܬܘܿܢ ܠܗܘܿܢ ܒܘܼܩܵܪܹ̈ܐ ܘܥܵܒ݂ܘܿܕܘܵܬܹ̈ܐ ܠܸܣܢܵܕܘܿܗ̇ ܛܠܵܒܬܵܘܟ݂ܘܿܢ
ܡܘܼܘܸܠܵܐ ܒܝܲܕ
