ܒܢܝܼܫܵܐ ܠܦܲܪܡܘܼܝܹܐ ܡܘܿܕܝܼ ܝܠܵܗ̇ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ، NDIS ܟܹܐ ܓܲܫܸܩ ܠ ‘ܙܲܒܘܼܢܘܼܝܵܬܹ̈ܐ ܥܵܒ݂ܘܿܕܵܝܹ̈ܐ’، ܝܲܢ ܠܟܘܼܬܵܫܹ̈ܐ ܕܐ݇ܢܵܫܹ̈ܐ ܡܢܲܣܘܼܝܲܝܗܝ ܝܢܵܐ ܒܗ̇ܝ ܕܐܵܢܝܼ ܐܝܼܬܠܗܘܿܢ ܚܲܕ ܡܲܪܥܵܐ ܕܗܵܘܢܵܐ. ܢܸܣܝܵܢܵܐ ܕܟܠ ܦܲܪܨܘܿܦܵܐ ܕܐܝܼܬܠܹܗ ܚܲܕ ܡܲܪܥܵܐ ܕܗܵܘܢܵܐ ܦܪܝܼܫܵܐ ܝܠܹܗ. ܟܵܐܪ ܕܡܲܪܥܵܐ ܐܝܼܬܠܹܗ ܥܲܠ ܫܲܘܬܲܦܬܵܘܟ݂ܘܿܢ ܓܵܘ ܟܢܘܼܫܬܵܘܟ݂ܘܿܢ ܡܵܨܝܵܐ ܕܗܵܘܹܐ ܦܪܝܼܫܵܐ ܡ̣ܢ ܨܝܼܦܵܪ ܘܠܗܲܠ ܪܵܒܵܐ ܩܸܫܝܵܐ.
ܩܵܐ ܛܘܼܦ̮ܣܵܐ، ܚܲܕ ܦܲܪܨܘܿܦܵܐ ܕܡܢܲܣܘܼܝܹܐ ܝܠܹܗ ܫܓ݂ܘܼܫܝܵܐ، ܒܲܠܟܵܐ ܕܡܲܫܸܟ݂ܚ ܕܐܵܗܵܐ ܠܹܐ ܥܵܒܸܕ ܟܵܐܪ ܥܲܠܲܝܗܝ ܡ̣ܢ ܝܵܘܡܵܐ ܠܝܵܘܡܵܐ، ܘܟܲܕ ܐܵܢܝܼ ܟܹܐ ܪܵܓ݂ܫܝܼ ܒܠܵܐ ܪܲܗܲܬܘܼܬܵܐ ܒܚܲܕܟܡܵܐ ܥܸܕܵܢܵܬܹ̈ܐ، ܐܝܼܢܵܐ ܐܵܢܝܼ ܠܗܵܠܵܐ ܡܵܨܝܼ ܕܫܲܘܬܸܦܝܼ ܓܵܘ ܪܵܒܵܐ ܥܵܒ݂ܘܿܕܘܵܬܹ̈ܐ. ܐܝܼܢܵܐ، ܚܲܕ ܦܲܪܨܘܿܦܵܐ ܐ݇ܚܹܪ݇ܢܵܐ ܕܡܢܲܣܘܼܝܹܐ ܝܠܹܗ ܫܓ݂ܘܼܫܝܵܐ، ܒܲܠܟܵܐ ܕܡܲܫܟ݂ܚܝܼ ܕܟܵܐܪ ܪܵܒܵܐ ܚܲܝܠܵܢܵܐ ܝܠܹܗ ܘܟܹܐ ܚܵܙܝܼ ܥܲܣܩܘܼܬܵܐ ܒܫܲܘܬܲܦܬܵܐ ܥܲܡ ܐ݇ܢܵܫܹ̈ܐ ܐ݇ܚܸܪ݇ܢܹ̈ܐ، ܘܐܲܝܵܐ ܟܹܐ ܣܲܒܸܒܵܐ ܕܐܵܢܝܼ ܡܢܲܣܝܼ ܠܚܘܼܕܵܝܘܼܬܵܐ.
ܠܩܲܒܘܼܠܹܐ ܣܢܵܕܬܵܐ ܡܘܼܘܸܠܬܵܐ ܒܝܲܕ ܕ NDIS، ܐܲܚܬܘܿܢ ܣܢܝܼܩܹܐ ܝܬܘܿܢ ܕܡܲܚܙܝܼܬܘܿܢ:
- ܕܐܲܚܬܘܿܢ ܡܢܲܣܘܼܝܹܐ ܝܬܘܿܢ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܲܘܬܵܦܵܝܬܵܐ ܕܐ݇ܣܝܼܪܬܵܐ ܝܠܵܗ̇ ܒܡܲܪܥܵܘܟ݂ܘܿܢ ܕܗܵܘܢܵܐ؛ ܘ
- ܕܐܲܝܵܐ ܒܸܥܒ݂ܵܕܵܐ ܝܠܵܗ̇ ܡܲܥܒܕܵܢܘܼܬܵܐ ܥܲܠ ܚܲܝܘܼܬܵܘܟ݂ܘܿܢ ܒܢܸܙܒܲܬ ܠܢܘܼܩܵܠܵܐ، ܘܠܝܵܗܒ݂ܫܩܵܠܵܐ، ܘܠܝܵܗܒ݂ܫܩܵܠܵܐ ܫܲܘܬܵܦܵܝܵܐ، ܘܠܝܘܼܠܦܵܢܵܐ، ܘܠܡܲܣܲܡܬܵܐ ܕܒܵܠܵܐ ܠܓܵܢܵܐ ܒܓܵܢܵܐ ܘܠܡܕܲܒܲܪܬܵܐ ܕܓܵܢܵܐ ܒܓܵܢܵܐ.
ܫܲܪܘܼܢ ܬܲܚܡܘܼܢܹܐ ܒܘܼܬ ܠܐܲܝܢܝܼ ܣܢܵܕܝܵܬܹ̈ܐ ܐܲܚܬܘܿܢ ܣܢܝܼܩܹܐ ܝܬܘܿܢ ܠܸܡܕܲܒܘܼܪܲܝܗܝ ܐܲܢܹܐ ܟܘܼܬܵܫܹ̈ܐ. ܐܲܝܵܐ ܟܹܐ ܦܵܝܫܵܐ ܩܪܝܼܬܵܐ ‘ܡܲܬܲܒ݂ܬܵܐ ܕܚܘܼܛܵܛܹ̈ܐ ܡ̣ܢ ܩܵܕ݇ܡ ܥܸܕܵܢܵܐ’، ܐܲܝܢܝܼ ܕܝܼܠܵܗ ܚܕܵܐ ܦܵܣܘܿܥܬܵܐ ܒܟ݂ܝܼܪܵܝܬܵܐ ܒܡܛܲܘܲܪܬܵܐ ܕܚܘܼܛܵܛܵܘܟ݂ܘܿܢ ܕ NDIS.
ܟܲܕ ܨܲܚܨܘܼܝܲܝܗܝ ܝܬܘܿܢ 6 ܦܵܣܘܿܥܝܵܬܹ̈ܐ ܠܸܡܛܵܝܵܐ ܠ NDIS، ܒܸܕ ܦܵܝܫܝܼܬܘܿܢ ܡܗܘܼܕܝܹܐ ܠܥܵܒ݂ܘܿܕܘܵܬܹ̈ܐ ܕܓܵܘ ܟܬܵܒ݂ܵܘܟ݂ܘܿܢ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ، ܐܲܝܟܵܐ ܕܡܵܨܝܼܬܘܿܢ ܕܡܵܠܝܼܬܘܿܢ ܠܗܘܿܢ ܒܘܼܩܵܪܹ̈ܐ ܘܥܵܒ݂ܘܿܕܘܵܬܹ̈ܐ ܠܸܣܢܵܕܘܿܗ̇ ܛܠܵܒܬܵܘܟ݂ܘܿܢ
ܡܘܼܘܸܠܵܐ ܒܝܲܕ
