ܒܣܵܡܬܵܐ ܝܼܠܵܗܿ ܚܲܕ ܣܵܗܡܵܐ ܐܵܢܲܢܩܵܝܵܐ ܕܚܙܘܼܩܝܵܐ ܕܚܘܼܠܡܵܢܵܐ ܕܗܵܘܢܵܐ ܩܵܐ ܪܵܒܵܐ ܐ݉ܢܵܫܹ̈ܐ.
ܩܵܐ ܣܢܵܕܬܵܐ ܕܫܲܪܸܟܵܢܹ̈ܐ ܢܲܦ̮ܫܵܢܵܝܹ̈ܐ ܘܫܵܘܬܦܵܝܹ̈ܐ ܒܲܒܣܵܡܬܵܐ، NDIA ܡܘܼܙܝܸܕܠܵܗܿ ܗܵܕܝܼܵܐ ‘Recovery Coaches’ (ܡܬܲܠܡܕܵܢܹ̈ܐ ܕܒܣܵܡܬܵܐ) ܠܣܢܵܕܝܵܬܹ̈ܐ ܕܚܲܕ ܦܲܪܨܘܿܦܵܐ ܕܐܝܼܬܠܹܗ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܵܘܬܦܵܝܬܵܐ ܡܵܨܹܐ ܩܲܒܸܠܗ݉ܘܿܢ ܓܵܘ ܚܘܼܛܵܛܹܗ ܕ NDIS ܒܫܲܪܲܝܬܵܐ ܡܼܢ ܣܝܼܩܘܿܡܵܐ ܕ 1 ܬܲܡܘܼܙ 2020.
ܡܬܲܠܡܕܵܢܵܐ ܕܒܣܵܡܬܵܐ ܟܹܐ ܡܲܩܪܸܒܼ ܣܢܵܕܬܵܐ ܩܵܐ ܐ݉ܢܵܫܹ̈ܐ ܕܐܝܼܬܠܗ݉ܘܿܢ ܫܲܦܠܘܼܬܵܐ ܢܲܦ̮ܫܵܢܵܝܬܵܐ ܘܫܵܘܬܦܵܝܬܵܐ ܩܵܐ ܕܚܵܝܝܼ ܚܲܝܹ̈ܐ ܡܸܠܝܹ̈ܐ ܘܗܲܝܸܪܵܢܹ̈ܐ. ܡܬܲܠܡܕܵܢܹ̈ܐ ܡܵܨܝܼ ܗܲܝܸܪܝܼ ܠܵܘܟܼܘܿܢ ܕܗܵܘܝܵܐ ܠܵܘܟܼܘܿܢ ܙܲܒܛܲܢܬܵܐ ܒܘܼܫ ܙܵܘܕܵܐ ܥܲܠ ܚܲܝܵܘܟܼܘܿܢ ܘܒܘܼܫ ܨܦܵܝܝܼ ܡܕܲܒܪܝܼܬܘܿܢ ܠܗ݉ܘܿܢ ܚܲܕܟܡܵܐ ܟܘܼܬܵܫܹ̈ܐ ܕܚܲܝܘܼܬܵܐ ܝܵܘܡܵܐ ܒܝܵܘܡܵܐ. ܐܵܢܝܼ ܟܹܐ ܡܲܩܪܸܒܼܝܼ ܬܲܠܡܲܕܬܵܐ ܘܒܢܵܝܬܵܐ ܕܡܨܵܝܬܵܐ، ܩܵܐ ܛܘܼܦ̮ܣܵܐ، ܓܵܘ ܚܲܝܠܵܢܘܼܬܵܐ ܘܩܸܘܝܘܼܬܵܐ (ܡܲܠܚܲܡܬܵܐ ܕܓܵܢܵܐ ܠܫܘܼܚܠܵܦܹ̈ܐ ܒܗܲܣܵܢܵܝܘܼܬܵܐ). ܐܵܢܝܼ ܟܹܐ ܦܵܠܚܼ݀ ܥܲܡܵܘܟܼܘܿܢ، ܘܥܲܡ ܗܲܕܵܡܹ̈ܐ ܕܒܲܝܬܘܼܬܵܘܟܼܘܿܢ، ܘܡܲܣܸܡܵܢܹ̈ܐ ܕܒܵܠܵܐ ܘܣܢܵܕܝܵܬܹ̈ܐ ܒܡܲܒܪܵܝܬܵܐ ܘܒܡܲܦܠܲܚܬܵܐ ܕܚܲܕ ܚܘܼܛܵܛܵܐ ܕܒܣܵܡܬܵܐ. ܒܪܹܫ ܐܵܗܵܐ، ܐܵܢܝܼ ܟܹܐ ܗܲܝܸܪܝܼ ܒܐ݉ܣܵܪܬܵܐ ܕ NDIS ܕܝܼܵܘܟܼܘܿܢ ܥܲܡ ܣܢܵܕܝܵܬܹ̈ܐ ܐ݉ܚܹܪ݉ܢܹ̈ܐ.
ܐܝܼܡܵܢ ܕܬܲܚܡܘܼܢܹܐ ܝܬܘܿܢ ܒܘܼܬ ܣܢܵܕܝܵܬܹ̈ܐ ܕܡܲܚܘܼܒܹܐ ܝܬܘܿܢ ܕܗܵܘܝܼܠܵܘܟܼܘܿܢ ܥܲܡ ܚܘܼܛܵܛܵܘܟܼܘܿܢ ܕ NDIS، ܐܵܢܲܢܩܵܝܬܵܐ ܝܠܵܗܿ ܕܦܵܟܪܝܼܬܘܿܢ ܐܸܢ ܒܸܕ ܩܵܢܝܼܬܘܿܢ ܡܼܢ ܣܢܵܕܬܵܐ ܕܡܬܲܠܡܕܵܢܵܐ ܕܒܣܵܡܬܵܐ ܥܲܡ ܚܘܼܛܵܛܵܘܟܼܘܿܢ.
ܐܸܢ ܩܲܒܠܝܼܬܘܿܢ ܣܢܵܕܬܵܐ ܡܼܢ ܚܲܕ ܡܬܲܠܡܕܵܢܵܐ ܕܒܣܵܡܬܵܐ ܐܲܝܟܼ ܚܲܕ ܣܵܗܡܵܐ ܡܼܢ ܚܘܼܛܵܛܵܘܟܼܘܿܢ، ܒܸܕ ܗܵܘܝܼܬܘܿܢ ܡܵܨܝܵܢܹ̈ܐ ܕܦܵܪܫܝܼܬܘܿܢ ܒܹܝܠ:
ܡܬܲܠܡܕܵܢܹ̈ܐ ܕܒܣܵܡܬܵܐ ܝܼܢܵܐ ܐܲܚܟ̰ܝܼ ܚܲܕ ܡܼܢ ܣܢܵܕܝܵܬܹ̈ܐ ܕܐܝܼܬ ܥܲܡ NDIS ܘܐܵܢܝܼ ܒܲܠܟܵܐ ܗܵܘܝܼ ܘܒܲܠܟܵܐ ܠܵܐ ܗܵܘܝܼ ܗܿܝ ܣܢܵܕܬܵܐ ܠܚܝܼܡܬܵܐ ܩܵܐܠܵܘܟܼܘܿܢ.
ܩܵܐ ܡܵܘܕܥܵܢܘܼܬܵܐ ܙܵܘܕܵܢܬܵܐ:
- ܚܙܝܼܡܘܼܢ ܠܫܵܘܦܵܐ ܕܫܲܒܼܟܵܐ ܕ NDIS: ܡܬܲܠܡܕܵܢܵܐ ܕܒܣܵܡܬܵܐ ܢܲܦ̮ܫܵܢܵܝܬܵܐ ܫܵܘܬܦܵܝܵܬܵܐ
- ܓܲܫܩܘܼܢ ܥܲܠ ܟܬܵܒܼܘܿܢܲܝܗܝ ܓܕܝܼܡܵܐ
- ܩܪܝܼܡܘܼܢ ܠܹܗ ܟܠܹܗ ܘܲܪܵܩܵܐ ܕܡܵܘܕܥܵܢܘܼܬܲܝܗ.
ܟܲܕ ܨܲܚܨܘܼܝܲܝܗܝ ܝܬܘܿܢ 6 ܦܵܣܘܿܥܝܵܬܹ̈ܐ ܠܸܡܛܵܝܵܐ ܠ NDIS، ܒܸܕ ܦܵܝܫܝܼܬܘܿܢ ܡܗܘܼܕܝܹܐ ܠܥܵܒ݂ܘܿܕܘܵܬܹ̈ܐ ܕܓܵܘ ܟܬܵܒ݂ܵܘܟ݂ܘܿܢ ܕܨܲܠܡܸܢܘܿܢ ܠܗܘܿܢ ܚܲܝܵܘܟ݂̈ܘܿܢ ܚܕܵܐ ܓܵܗܵܐ ܐ݇ܚܹܪ݇ܬܵܐ، ܐܲܝܟܵܐ ܕܡܵܨܝܼܬܘܿܢ ܕܡܵܠܝܼܬܘܿܢ ܠܗܘܿܢ ܒܘܼܩܵܪܹ̈ܐ ܘܥܵܒ݂ܘܿܕܘܵܬܹ̈ܐ ܠܸܣܢܵܕܘܿܗ̇ ܛܠܵܒܬܵܘܟ݂ܘܿܢ
ܡܘܼܘܸܠܵܐ ܒܝܲܕ
